2015 йылдың 1 ноябренән 31 декабренә тиклем Рәсәйҙә 2015 йылғы беренсе Бөтә Европа фәнни фотоһүрәттәр бәйгеһе уҙа.
Бәйгенең Рәсәйҙәге Генераль бағыусылыҡ логотибы
Фән тураһында һөйләү генә етмәй, фәнни эштәрҙә һүрәттәрҙең булыуы ла зарур. Фәнни фотоһүрәттәргә һәм иллюстрацияларға арналған махсус бәйге нәк шуның өсөн кәрәк.
Википедия уҡыусыларына был бәйге Википедия бар кешеләр өсөн ирекле булған белем биреү өлкәһендә ҡулланыла алған мәғлүмәтте туплау һәм уртаҡлашыуға бағышланған әүҙем мөхит булыуы аркаһында файҙалы. Шуның өсөн фәнни фотоһүрәттәрҙе тәҡдим итеү өсөн ул ныҡлы платформа булып тора.
Фәнни һәм айырыуса фәнни фотоһүрәттәрҙе популярлаштырыуға килгәндә, ирекле энциклопедияны йәлеп итеүсе күп төрҙәр араһында уның ҡулланыу өсөн асыҡлығы, мәғлүмәттең йәмғиәт һәм Википедия ҡулланыусылары өсөн ҡыҙыҡлылығы һәм дә сығанаҡтарҙы тикшереп алыу мөмкинлеген билдәләргә була.
Википедия мәғлүмәт таратыу өлкәһендә алдынғы проекттарҙың береһе, фәнни иллюстрациялар иһә юғары мәғлүмәтлелек сифатына эйә; шуның арҡаһында вики-йәмғиәт һәм фәнни фотографтар араһындағы хезмәттәшлектән ике яҡ та файҙа таба. Фәнни фотобәйге тороҡло мөнәсәбәттәрҙең барлыҡҡа килеүе өсөн яҡшы нигеҙ булып тора.
Бәйгенең Рәсәй өлөшөн Рәсәй фәндәр академияһы фәнни ойошмалары (рус.) һәм Рәсәй Федерацияһы мәғариф һәм фән министрлығы фәнни платформаһы, шулай ук Рәсәйҙең фәнни-популяр баҫмалары яҡлай. «"Роскосмос" космос эшмәкәрлеге буйынса дәүләт корпорацияһы» (рус.) бәйгенең Генераль партнёры булып тора.
Бәйге тарихынан. 2011-2013 йылдарҙа концепция үҙ уңышлылығын Эстония фәнни фотобәйгеһе (ингл.) сиктәрендә дәлилләне, хәҙер иһә проект масштабын киңәйтеү осоро етте. Һөҙөмтәлә, Википедияға күберәк фәнде йәлеп итеү маҡсатынан сығып, 2015 йылда пан-Европа фәнни иллюстрациялар бәйгеһе булараҡ ойоштороласаҡ тип ҡарар ителде. Халыҡ-ара бәйге Викимедиа булдырған бушлай мөхит һәм уның элемтә үҙенсәлектәрен ҡулланыу арҡаһында фәнни йәмәғәтселектә яһалған асыштар менән илһамланып, тағы ла киңерәк аудитория менән уртаҡлашыу мөмкинлектәре менән танышырға рөхсәт итә. 2016 йылда фәнни эштәр бәйгеһе бөтә донъя тарафтарында уҙғарылырға тора.
- Викимедиа РУ блогыннан күберәк (рус.)
